Нийслэлийн хэмжээнд Эрүүл мэндийн сайдын 2022 оны 10 дугаар сарын 19-ний өдрийн А/512 дугаар тушаалын дагуу Бүгд Найрамдах Солонгос Улсын Грийн кросс үйлдвэрийн улирлын томуугийн эсрэг “GC FLU QUADRIVALENT” дөрвөн цэнт вакцинаар оюутан, багш, ажилчдыг дархлаажуулах аян ШУТИС-ийн Эрүүл мэндийн төвд  2022 оны 12 дугаар сарын 22, 23-нд (цаг 10:00-15:30) зохион байгуулагдах тул идэвхтэй хамрагдана уу.

БНСУ-ын Грийн кросс үйлдвэрийн улирлын томуугийн эсрэг “GC FLU QUADRIVALENT” вакцины товч заавар

Заалт: ДЭМБ-ын итгэмжлэл авсан тус вакцин нь томуугийн А болон В хүрээний вирусээр үүсгэгдсэн томуугийн халдвараас урьдчилан сэргийлж 6 сар ба түүнээс дээш насны хүмүүст хэрэглэнэ.

Тун ба тарих арга: 6 сар ба түүнээс дээш насны хүмүүст 0,5мл-ээр нэг удаа гарын бугалгын булчинд тарина.

Хүчинтэй хугацаа: 2023 оны 8 дугаар сар

Вакцин хийхгүй заалт:

• Өндөг, тахианы гаралтай бүтээгдэхүүнд хэт мэдрэг хариу урвал өгч байсан өгүүлэмжтэй
• Сүүлийн нэг жилийн хугацаанд таталт, саажилтын хам шинж илэрсэн
• Дархлал дутмагшилтай хүн
• Цочмог халдвар, архаг өвчний сэдрэлийн үе
• Хавдрын эмчилгээний цитостатик эм хэрэглэж байгаа бол

Анхааруулга:

• Вакцин хийхийн өмнө эмч үзлэг хийнэ
• Бусад вакцинтай 28 хоногийн зайтай хийнэ
• Вакцин тарьсан хэсэгт цохихгүй, маажихгүй, бохирдуулахгүй, цэвэр байлгах, ус хүргэхгүй, хүйтэн шингэн уухгүй, даарахгүй байх
• Вакцин тариулсан газарт зарим тохиолдолд улайх, хөндүүрлэх, хавдах зэрэг хэсэг газрын урвалын шинж илэрч болох бөгөөд 2-3 өдрийн дараа хэвийн байдалдаа ордог.

ШУТИС ЭМТ