link
ШУТИС-ийн гадаад хамтын ажиллагааны хүрээнд 2009-2010 оны хичээлийн жилд Монгол улсын ШУТИС, БНХАУ-ын Шаньдун ШУТИС хамтын ажиллагааны гэрээ байгуулснаар Гадаад хэлний сургууль БНХАУ-ын Шаньдун ШУТИС-ийн Олон улсын соёлын солилцооны сургуультай хамтран оюутны дадлагын орчныг бүрдүүлж, суурь баазыг нэмэгдүүлэх, чадварлаг боловсон хүчин бэлтгэх зорилготойгоор хэлний танилцах дадлага болон оюутан солилцооны 1 жилийн хөтөлбөрийг 10 дахь жилдээ амжилттай хэрэгжүүлж байна.
ГХС-иас хэлний танилцах дадлагаар ТТО-хятад хэлний ангийн 76 оюутан, нэг жилийн солилцооны хөтөлбөрөөр шилдэг 2 оюутан хамрагддаг ба нийт 16 оюутан тус бүр амжилттай хамрагдсан байна.
Гадаад хэлний сургууль 2021-2022 оны хичээлд Шаньдун ШУТИС-тай байгуулсан хамтын ажиллагаагаа өргөжүүлэн А тэтгэлэг-2 оюутан, В тэтгэлэг-8 оюутан, С тэтгэлэг-6 оюутан, тус бүр бүртгэлийн хураамж 600 юаны хөнгөлөлттэй хамрагдахаар 16 оюутан тэтгэлэгтэй суралцах солилцооны шинээр “1+1+2 хөтөлбөр” хэрэгжүүлэх гэрээг амжилттай байгуулж 2022 оны намрын улирлаас эхлүүллээ.
Тус хөтөлбөрөөр техник технологийн орчуулагчийн хятад хэлний ангийн 11 оюутан 2022 оны 9 дугаар сарын 13-ны өдрөөс эхлэн цахимаар Шаньдун ШУТИС-д суралцаж байна. Ковидын хол хориотой үед хөтөлбөрт тусгагдсан мэргэжлийн хичээлдээ цахимаар хамрагдан хичээл дадлагаа хослуулан шамдан суралцаж байна.
Чиндао хот. Шаньдун ШУТИС-танилцах дадлага 2019 он.
Шаньдун ШУТИС-д цахимаар суралцаж буй ТТО-хятад хэлний 2 дугаар ангийнхан
Үүнээс гадна ГХС-ийн Ази судлалын салбар 2021-2022 оны хичээлийн жилийн намрын улирлаас Шаньдун ШУТИС-тай хамтран цахим хэлбэрээр олон улсын хятад хэлний өвлийн сургалт /60 оюутан/, хаврын сургалт /50 оюутан/, Хойд хятадын ЭХИС-тай өвлийн сургалт /100 оюутан/ зохион байгуулсан ба 2022-2023 оны хичээлийн жилээс Шаньдун ШУТИС-тай хамтран намрын сургалтын анхан шатны /30 оюутан/ хамруулан суралцуулж байна.
Хөтөлбөрт хамрагдсан оюутнууддаа сурлагын өндөр амжилт хүсэж, Шаньдун ШУТИС-ийн Олон улсын соёлын солилцооны сургуулийн хамт олон, мэргэжлийн болон зөвлөх профессор багш нартаа гүнээ талархаж, эрдэм судлалын үйлсэд нь амжилтын дээдийг ерөөе!
ШУТИС-ГХС-АСС
Dr. David Bellatalla, an Italian cultural anthropologist, cultural researcher, and historian, has been awarded the Academic Title of “Honorary Professor” of the Mongolian University of Science and Technology.
EXPERT ON THE ACCREDITATION AGENCY ASIIN e.V. WORKED AT THE POWER ENGINEERING SCHOOL
THE 15TH MONGOLIA-JAPAN JOINT SEMINAR ON “INNOVATION OF POWER ENERGY TRANSMISSION AND DISTRIBUTION”
The results of the National Open Olympiad "Basics of Electrotechnics" named after Power Engineering School
Geotechnical testing and research laboratory opened