“Монгол Улсын Ерөнхийлөгч Цахиагийн Элбэгдоржийн намтар, ном зүйн тойм, 1989-2009, 2009-2011 он” нэг, хоёрдугаар дэвтрийг ШУТИС-ийн Оюутны I байрны номын санч, ном зүйч Ш.Жижгээ эмхтгэн гаргажээ. Зургаан бүлэгтэй тус бүтээлд нийтдээ 2475 ном зүйн мэдээлэл, 240 түүхэн зураг, 110-аад нийтлэл, ярилцлага, бодрол багтсан байна.

Монголын нэрт улстөрч, нийгмийн зүтгэлтэн, алдар цуутай хүмүүсийн талаарх мэдээллийг нэгтгэсэн ном зүйн цуврал хэвлүүлэх ажил эхэлсэн байна. Олны танил эрхмүүдийн ажил, амьдрал, үзэл бодол, бүтээл туурвилын тухай цогц мэдээллийг үзье гэхнээ манайд тийм нөөц сан бүрдээгүй учираас цаг хугацаа өнгөрөх тусам эх хэрэглэгдэхүүнүүд үрэгдэж устах аюул нүүрлэдэг. Энэхүү ном зүйн бүтээлийг Ерөнхийлөгч Элбэгдоржийн талаар сүүлийн 25 жилийн хугацаанд хэвлэн нийтлүүлсэн зүйлсийг нэгтгэсэн хоёр ботиор эхлүүлж байгаа аж.