link
БНХАУ-ын Уул уурхайн яам дэмжлэгтэйгээр Хятад улсын төмрийн хүдрийн уурхайнуудын ивээн тэтгэсэн Гуанжоу хотын Худалдаа харилцааны политехникийн дээд сургууль дээр “Мэргэжлийн хэмжилтийн ур чадвар”-ын олон улсын уралдаан 2018 оны 11 сарын 15-аас 25–ны өдрүүдэд зохион байгуулагдлаа.
Уг уралдаанд Бүгд Найрамдах Ардчилсан Конго, Пакистан, Мянмар, Камбоджи, Киргизстан, БНХАУ, Монгол, Лаос, Казакстан зэрэг 9 орны их дээд сургууль, коллежийн магистр, бакалаврын шатанд суралцаж байгаа 18 оюутнууд оролцож, мэргэжлийн ур чадвараа сорилоо.
Монгол улсаа болон ШУТИС-ийг төлөөлөн ГУУС-ийн Геодезийн салбарын дэд профессор, доктор Г. Уранбайгаль “Уул уурхайн маркшейдер” мэргэжлийн III ангийн оюутан Б. Амгалан, IV ангийн оюутан Ө. Батбаяр нарын бүрэлдэхүүнтэй багийг удирдан оролцсон.
Уралдаанд оролцогч магистрант, бакалавр оюутнууд 4 хоног сургалтанд сууж, хоёр төрлөөр өрсөлдсөн. Мэргэжлийн хэмжилтийн ур чадварын уралдаан нь 2 төрлөөр явагдсан бөгөөд эхний уралдаан “Total station- багажийн газрын доорх хэмжилт, зураглал” төрөлд 2-р байр, хоёрдугаар уралдаан “ II ангийн нивелирдлэг”-ийн төрөлд 3-р байрыг тус тус эзэлсэн.
Орчин үеийн багаж тоног төхөөрөмж, программ хангамж ашиглан мэргэжлийн ур чадвараар нийт 9 орны их дээд сургуулийн магистр, бакалаврын оюутнуудтай өрсөлдөж, багийн нийлбэр дүнгээр 3-р байр эзэлж, амжилттай оролцоод ирсэн байна.
Мөн 35000 юан буюу 13,7 сая төгрөгийн үнэ бүхий бэлгийн “South” фирмийн NTS-332R4 маркын “Тotal station” багажийг ГУУС-д хандивлав. БНХАУ-ын Гуанжоу хотын худалдаа харилцааны политехникийн дээд сургуулиас зохион байгуулсан Олон улсын маркшейдерийн мэргэжлийн ур чадварын уралдааны үеийн зургууд
Олон улсын мэргэжлийн ур чадварын уралдааны нээлт
А хэсгийн уралдаанд оролцож байгаа багийн гишүүд
Олон улсын мэргэжлийн ур чадварын уралдааны хаалт
ШУТИС-ийн багийн удирдагч багш доктор Г. Уранбайгаль, Уул уурхайн маркшейдерийн 3-р курсын оюутан Б. Амгалан, 4-р курсын оюутан Ө. Батбаяр
South фермийн “Total station хэмжилтийн багаж хүлээн авах мөч
Уг уралдаанд оролцсон 9 орны багийн удирдагч багш, оюутнууд, зохион байгуулсан удирдлагуудын хамт
Гуанжоу хотын аялал:
ШУТИС-ийн багийн удирдагч багш доктор Г. Уранбайгаль, Уул уурхайн маркшейдерийн 3-р курсын оюутан Б. Амгалан, 4-р курсын оюутан Ө. Батбаяр
Олон улсын мэргэжлийн ур чадварын уралдааны шагналууд
ГЕОДЕЗИЙН САЛБАР
Dr. David Bellatalla, an Italian cultural anthropologist, cultural researcher, and historian, has been awarded the Academic Title of “Honorary Professor” of the Mongolian University of Science and Technology.
EXPERT ON THE ACCREDITATION AGENCY ASIIN e.V. WORKED AT THE POWER ENGINEERING SCHOOL
THE 15TH MONGOLIA-JAPAN JOINT SEMINAR ON “INNOVATION OF POWER ENERGY TRANSMISSION AND DISTRIBUTION”
The results of the National Open Olympiad "Basics of Electrotechnics" named after Power Engineering School
Geotechnical testing and research laboratory opened