Азийн Оюутны аварга шалгаруулах эмэгтэй волейболчдын II тэмцээн IV сарын 9-15 өдрүүдэд Нийслэл Улаанбаатар хотноо амжилттай зохион байгуулагдаж өндөрлөлөө. Тэмцээнийг Монгол Улсын Засгийн газрын дэмжлэгтэйгээр Засгийн газрын хэрэгжүүлэгч агентлаг Биеийн тамир спортын газар, Монголын Оюутны Спортын Холбоо, Монголын Волейболын холбоо хамтран зохион байгуулсан юм.
Тэмцээнд Киргизстан, Малайз, Хонгконг, Тайланд, Монгол улсын баг тамирчид оролцсон бөгөөд эн тэнцүү өрсөлдөж аваргууддаа тодрууллаа.
Тус тэмцээнд Тайландын баг тамирчид түрүүлснээр Азийн оюутны аварга шалгаруулах эмэгтэй волейболчдын тэмцээний хошой аварга болж байна.
Монголын шигшээ баг мөнгөн медаль хүртэж хөгжөөн дэмжигчдээ баярлууллаа. Тэмцээний хүрэл медалийг Хонгконгийн шигшээ баг хүртсэн юм.
2012 оны Оюутны Улсын Аварга Шалгаруулах тэмцээнээс Монголын Оюутны шигшээ багийн сонгон шалгаруулалтанд ШУТИС-ийн МХТС-ийн оюутан С.Отгонбямба, УУИС-ийн оюутан П.Буянжаргал, Ж.Нямсүрэн,Ч.Халиун нар шалгарч бэлтгэл сургуулилтанд гарсан. Улмаар үндсэн багийн бүрэлдэхүүнд П.Буянжаргал /4 дугаартай тоглогч/,Ч.Халиун /10дугаартай чөлөөт хамгаалагч/ нар багтаж мөнгөн медалийн эзэд болсон бол тэмцээний “Шилдэг чөлөөт хамгаалагч”-аар Ч.Халиун шалгарсан байна.
Тэмцээнд амжилттай оролцсон оюутан тамирчиддаабаяр хүргэж, спортын улам их амжилт хүсэн ерөөе.
ШУТИС-ийн НТС-ийн Биеийн тамирын тэнхим
"The International Blockchain Olympiad" (IBCOL)-д МХТС-ийн оюутнууд амжилттай оролцлоо
Өмнөговь аймгийн засаг дарга Р.Сэддорж “Хүрэлтогоот-2023” эрдэм шинжилгээний хурлын залуу судлаачдад тэтгэлэг гардууллаа
“Сонгодог хөгжмийн өдөрлөг-2023” болж өндөрлөлөө
“STUDENT’S DAY” арга хэмжээг Бизнесийн Удирдлага, Хүмүүнлэгийн Сургууль дээр амжилттай зохион байгуулан өндөрлөлөө
ШУТИС-ийн багш нар “Шинжлэх ухааны тэргүүний ажилтан” хүндэт тэмдгээр шагнагдлаа
© 2005-2020 Монгол Улсын Шинжлэх Ухаан Технологийн Их Сургууль, Мэдээллийн технологийн төв
