ШУТИС-ийн Англи хэлний Академиас нийгмийн халамжийг үзүүлэх мөн оюутны чөлөөт цагийг үр бүтээлтэй өнгөрүүлэх зорилгоор 2023-2024 оны хичээлийн жилд “Work-Scholarship” хөтөлбөрийг зарлаж байна. Уг хөтөлбөрөөр ШУТИС-ийн оюутнуудад 15 хүртэлх кредитийн сургалтын төлбөрийн тэтгэлэг олгох бөгөөд оюутанд сурсан мэдлэгээ амьдрал дээр хэрэгжүүлэн ажлын дадлага, туршлагатай болж, найрсаг хамт олны дунд сурч хөгжих боломжоор хангана.
“Work-Scholarship” хөтөлбөрийн хүрээнд:
Оффисын туслах ажилтан (1 оюутан)-ыг сонгон шалгаруулж авна.
Хамрах хүрээ:
ШУТИС-ийн бүрэлдэхүүн сургуулиудын 1-3-р курсын оюутнууд
Хугацаа:
2023 – 2024 оны хичээлийн жил. Хөтөлбөрт хамрагдсан оюутан гэрээг сунган төгсөх хүртлээ ажиллах боломжтой.
Тавигдах шаардлага:
- Дүнгийн голч 3,0-с дээш байх
- Зуны амралтаараа ажиллах боломжтой байх
- Хэрэглээний програмууд дээр ажиллах чадвартай
- Цагийн менежмент сайтай
- Хувийн зохион байгуулалттай
- Багаар ажиллах чадвартай
- Бүтээлч, санаачлагатай
- Өөрийгөө хөгжүүлэн тогтвортой ажиллах боломжтой.
Сонгон шалгаруулалт:
Шаардлагыг хангасан оюутнуудтай эргэн холбогдож ярилцлага хийнэ. Ярилцлагад тэнцсэн тохиолдолд “Work-Scholarship” хөтөлбөрийн цагийн ажилтнаар ажиллах гэрээ байгуулан ажиллана.
Анкетыг татаж авч бөглөн 2023 оны 05 сарын 31 өдрийн 18:00 цагаас өмнө english_academy@must.edu.mn хаягаар илгээнэ үү.
ШУТИС-ийн Захирлын зөвлөлийн хурал 2023 оны 12 дугаар сарын 26-ны өдөр өргөтгөсөн хэлбэрээр хуралдана
Шинжлэх ухаан, технологийн их сургуулийн 2024 оны багш, ажилчдын спорт наадмын удирдамж
ШУТИС-ийн 2024 оны багш ажилчдын спорт тэмцээний зааланд бэлтгэл хийх хуваарь
ШУТИС-ийн магистрантур, докторантурын сургалтын хаврын улирлын элсэлтийн бүртгэл явагдаж байна
Клубүүдийн тайлан хэлэлцүүлэх өдөр болоход нэг хоног үлдлээ
© 2005-2020 Монгол Улсын Шинжлэх Ухаан Технологийн Их Сургууль, Мэдээллийн технологийн төв
