ШУТИС-ийн шинэ элсэгчидэд чиглэсэн “Багш, оюутны 7 хоног” хөтөлбөрийн үйл ажиллагааны тайлан хэлэлцэх арга хэмжээ 2013 оны 10-р сарын 30-д ШУТТНС-ийн 604 тоот хурлын танхимд боллоо. Тус арга хэмжээнд ШУТИС-ийн Сургалтын проректор Шинжлэх ухааны доктор, профессор Х.Энхжаргал, ШУТИС-ийн Оюутны хөгжил, үйлчилгээний албаны дарга О.Халиун, Нийслэлийн соёл, урлагийн газар (НСУГ)-ын дарга Б.Батцэнгэл, Нийслэлийн замын цагдаагийн газар(НЗЦГ)-ын урьдчилан сэргийлэх хэлтсийн чиглэлийн ахлах байцаагч хошууч П.Энхбат, УУИС-ийн захирал Доктор, профессор Л.Пүрэв, НТС-ийн Түүх, соёл судлалын профессорын багийн тэргүүлэх профессор доктор Ю.Болдбаатар, ШУТИС-ийн Оюутны холбооны тэргүүн С.Баянмөнх нар оролцлоо
Арга хэмжээг нээж ШУТИС-ийн Сургалтын проректор Шинжлэх ухааны доктор, профессор Х.Энхжаргал, Нийслэлийн соёл, урлагийн газрын дарга Б.Батцэнгэл нар үг хэллээ.
НСУГ, НЦГ-аас энэхүү арга хэмжээг их дээд сургуулиудаас анх удаа санаачлан өргөн хүрээг хамаруулан зохион байгуулсан ШУТИС-д талархал илэрхийлж цаашид бүх их дээд сургуулиуд хэрэгжүүлэх шаардлагатай ажил болсон байна гэж дүгнэлээ.
Оюутны хөгжил, үйлчилгээний албаны мэргэжилтэн Д.Цогзолмаа “Багш оюутны 7 хоног” хөтөлбөрийн арга хэмжээний талаар танилцуулж тус хөтөлбөрийн зорилго, үйл ажиллагааны талаар товчхон мэдээлэл хийлээ.
НТС-ийн Түүх, соёл судлалын багийн тэргүүлэх профессор доктор Ю.Болдбаатар “Хотын соёлтой танилцах” аяны хүрээнд 3000 гаруй оюутны бичиж ирүүлсэн эссэнээс шалгаруулалт хийсэн ажлын талаар болоод, оюутнууд эссэндээ юу тусгаж бичсэн зүйлсийн талаар дэлгэрэнгүй танилцуулав.
“Багш оюутны 7 хоног” хөтөлбөрийн арга хэмжээний үеэр зохион байгуулагдсан үйл ажиллагаанд идэвхи санаачилгатай оролцсон Оюутны зөвлөл, клуб, бүрэлдэхүүн сургууль, хамтран ажилласан байгууллагуудад талархал гардууллаа. Үүнд:
“Танд тусалъя” арга хэмжээг идэвхитэй сайн зохион байгуулсан ЭХИС-ийн Оюутны зөлөлд, “Нээлттэй өдөрлөг”-ийн арга хэмжээнд идэвхитэй оролцож гишүүнчлэл хамгийн их бүрдүүлж чадсан ШУТИС-ийн “Хос унга” хамтлагийн дэргэдэх “Хос уянга” клубд, “Шинэ оюутны уулзалт, танилцуулгыг” 2 жил дарааллан үлгэр жишээч зохион байгуулсан УУИС-ийн хамт олонд, Их хотын соёлтой танилцуулах арга хэмжээг хамтран зохион байгуулан ажиллаж 26 удаагийн лекцээр 3046 оюутанд “Замын хөдөлгөөн хотын соёлд нөлөөлөх нь”, “Их хотын залуучуудын соёл” лекцийг хүргэж ажилласан НЦГ, НСУГ-уудад тус тус талархал гардууллаа.
Хотын соёлтой танилцах аяны хүрээнд зохион байгуулсан эссэ бичлэгийн уралдаанд тэргүүн байрыг МТС-ийн Экологийн багцийн I курсийн оюутан Б.Оюун-Эрдэнэ, хоёрдугаар байрыг БИАС-ийн- БИ багцийн I курсийн оюутан Д.Хатанбүүвэй, гуравдугаар байрыг ҮТДС-ийн ОМҮТ багцийн I курсийн оюутан Э.Санчинбазар нар тус тус эзэллээ.
Тус арга хэмжээнд ШУТИС-ийн дуулаач клубийн оюутнууд Найрал дуу болон “ШУТИС бидний бахархал” дуунууд дуулж ая дууны мэндчилгээ дэвшүүлсэн.
“Багш оюутны 7 хоног” хөтөлбөрийн арга хэмжээнд идэвхи санаачилгатай оролцсон байгууллагууд, холбогдох нэгжүүдэд талархсанаа илэрхийлье.
Оюутны хөгжил, үйлчилгээний алба
"The International Blockchain Olympiad" (IBCOL)-д МХТС-ийн оюутнууд амжилттай оролцлоо
Өмнөговь аймгийн засаг дарга Р.Сэддорж “Хүрэлтогоот-2023” эрдэм шинжилгээний хурлын залуу судлаачдад тэтгэлэг гардууллаа
“Сонгодог хөгжмийн өдөрлөг-2023” болж өндөрлөлөө
“STUDENT’S DAY” арга хэмжээг Бизнесийн Удирдлага, Хүмүүнлэгийн Сургууль дээр амжилттай зохион байгуулан өндөрлөлөө
ШУТИС-ийн багш нар “Шинжлэх ухааны тэргүүний ажилтан” хүндэт тэмдгээр шагнагдлаа
© 2005-2020 Монгол Улсын Шинжлэх Ухаан Технологийн Их Сургууль, Мэдээллийн технологийн төв
