НҮБ-ын Хүнс Хөдөө Аж Ахуйн Байгууллага (ХХААБ) үүссэн өдөр буюу жил бүрийн 10-р сарын 16-ныг “Дэлхий хүнсний өдөр” болгон тэмдэглэдэг. 2030 онд дэлхий нийтэд өлсгөлөнгүй амьдрах нөхцөлийг бий болгох талаар дэвшүүлсэн Тогтвортой хөгжлийн хоёр дахь зорилтын хүрээнд 2019 оны 10-р сарын 16-нд Сүхбаатарын талбайд “БИДНИЙ ҮЙЛДЭЛ БИДНИЙ ИРЭЭДҮЙ: ЭРҮҮЛ ХҮНС-ЗӨВ ХООЛЛОЛТ” өдөрлөгийг зохион байгуулав. Энэхүү өдөрлөгт ШУТИС-ийн Үйлдвэрлэлийн Технологийн сургуулийн Биотехнологи, шим тэжээлийн салбар, “Шим тэжээл судлалын төв” хамтран оролцлоо. Тус өдөрлөгийн үеэр зөв зохистой хооллолт, таргалалтын үеийн хооллолт, зүрх судасны өвчний үеийн хооллолт зэрэг гарын авлагыг 200 гаруй хүмүүст тарааж, зөвлөгөө өгөв. Мөн дотор мах боловсруулах технологийн судалгааны зарим үр дүнг танилцуулан хатаасан уушиг, бөөр, зүрх болон дотор маханд суурилсан зуушны амталгаа хийв. Танилцуулгын үеэр иргэд дотор махан бүтээгдэхүүнийг үйлдвэрлэлд нэвтрүүлэхийг дэмжиж байгаагаа илэрхийлж байлаа.
ҮЙЛДВЭРЛЭЛИЙН ТЕХНОЛОГИЙН СУРГУУЛЬ
БИОТЕХНОЛОГИ, ШИМ ТЭЖЭЭЛИЙН САЛБАР
ШИМ ТЭЖЭЭЛ СУДЛАЛЫН ТӨВ
"The International Blockchain Olympiad" (IBCOL)-д МХТС-ийн оюутнууд амжилттай оролцлоо
Өмнөговь аймгийн засаг дарга Р.Сэддорж “Хүрэлтогоот-2023” эрдэм шинжилгээний хурлын залуу судлаачдад тэтгэлэг гардууллаа
“Сонгодог хөгжмийн өдөрлөг-2023” болж өндөрлөлөө
“STUDENT’S DAY” арга хэмжээг Бизнесийн Удирдлага, Хүмүүнлэгийн Сургууль дээр амжилттай зохион байгуулан өндөрлөлөө
ШУТИС-ийн багш нар “Шинжлэх ухааны тэргүүний ажилтан” хүндэт тэмдгээр шагнагдлаа